Zer egiten dugu?
Giza arkitektura egiteko, honako hauek dira gure zerbitzuak:
Proiektu-garapena
ERROTUn pertsonen bizi-kalitatea hobetzen duten espazioak diseinatu eta eraikitzen ditugu, ongizatea lehenesten baitugu. Gure diseinuak pertsona bakoitzaren beharretara egokitu behar direla uste dugu eta, horretarako, oztopoak kendu eta ingurune erosoak, seguruak, irisgarriak eta inklusiboak sortzen ditugu. Ingurune horiek pertsonen ongizatean nola eragiten duten ebaluatzen dugu.
Ebidentzia zientifikoan oinarritutako ingurune arkitektonikoak diseinatzen ditugu. Diseinutik hasi eta bizitzen hasteko prest egikaritu arte, gure bezeroen alboan egiten dugu lan.
Askotariko proiektuak egiten ditugu: arkitektura gerontologikoa, desgaitasuna duten pertsonentzako inguruneak, etxebizitzak egokitzea eta oztopo arkitektonikoak kentzea....
Aholkularitza
Aholkularitza espezializatua eskaintzen dugu, irisgarritasun-soluzioetatik hasi eta ingurumen-gerontologiaraino, arkitektura- eta diseinu-proiektuek pertsonen beharrei erantzuten dietela bermatzeko. Azterketa xehea egin ondoren, ebaluazioa egin eta soluzioak proposatzen ditugu, proiektuko elementu bakoitzak erabiltzaileen ongizatea, irisgarritasuna eta segurtasuna sustatu ditzan.
Prestakuntza
Gure know-howaren bidez, prestakuntza-ikastaroak eskaintzen dizkiegu sektore gerontologikoari, sektore soziosanitarioari edo arkitektoei.
Ikerkuntza
Nahiko berria da ingurune natural eta eraikiak pertsonen ongizatean duen eraginari buruzko ezagutza, eta etengabe ari da aldatzen.
Ikerketa-proiektuetan parte hartzen dugu, gure know-howa zabaltzeko eta handitzeko, eta gure bezeroei soluzio onenak eskaintzeko.